(2)
يانيل نجاشي
راح مجاشي
مفارق بلادي
ومخاصم ولادي
طب ذنبنا ايه
وعروسة النيل
اتسحلت ليه
وعيونها الحلوة
صفوها ليه
*****
ده نظام و فاشي
باع الثورة ببلاشي
قتلنا ولا قتلناشي
واشهد يا نيل
على حظي القليل
مع شيخ أصيل
طالبني بسكوتي
وطالبهم بموتي
مانا الخاين العميل
******
يا نيل مهاجر م القرف
حضرنا عفريت
لكنه ما انصرف
والعفريت كان مسجون
والمصباح في النطرون
******
يانيل مفارق م الهم
شَّهِد علينا دم
باقي ع الارصفة
ما اتلم
ان الثورة باقية كالنور
مش جرافيتي على سور
مسحوه الكلاب ...
واشهد يا نيل
على حظي القليل
مع شيخ أصيل
طالبني بسكوتي
وطالبهم بموتي
مانا الخاين العميل
******
يا نيل مهاجر م القرف
حضرنا عفريت
لكنه ما انصرف
والعفريت كان مسجون
والمصباح في النطرون
******
يانيل مفارق م الهم
شَّهِد علينا دم
باقي ع الارصفة
ما اتلم
ان الثورة باقية كالنور
مش جرافيتي على سور
مسحوه الكلاب ...
******
و الثورة باقية
بالترس والساقية
بالغلابة المعدومين
بهتاف أحرار هَد الزنازين
وان البوليس ويا الرئيس
والجلادين والطبالين
هيروحوا حتماً مش دايمين
وان الجماعة جيالها ساعة
وان العصابة ماسكة الربابة
بتغني ع الناس الغلابة
يا علاء وصادق اعلامنا كاذب
و يا حاتم اشهد ده قضائنا فاسد
واكتب يا نيل على قبري شاهد
"ان الثورة مش عورة
وعُمر الوطن مايكون سجان"
و الثورة باقية
بالترس والساقية
بالغلابة المعدومين
بهتاف أحرار هَد الزنازين
وان البوليس ويا الرئيس
والجلادين والطبالين
هيروحوا حتماً مش دايمين
وان الجماعة جيالها ساعة
وان العصابة ماسكة الربابة
بتغني ع الناس الغلابة
يا علاء وصادق اعلامنا كاذب
و يا حاتم اشهد ده قضائنا فاسد
واكتب يا نيل على قبري شاهد
"ان الثورة مش عورة
وعُمر الوطن مايكون سجان"
ليست هناك تعليقات:
إرسال تعليق