العدل أساس الملك ... وقيل لأمير المؤمنين عمر ابن الخطاب: حكمت فـ "عدلت" فآمنت فنمت ياعمر
ولو شايف نفسك ممكن تبقى عادل بس في ناس مش من مصلحتها انك تعدل وممكن يغتالوك يبقى (أينما تكونوا يدرككم الموت ولو كنتم في بروج مشيدة)
ولو حد شايف ان الشكل السخيف ده عادي عشان منصب مرسي والبروتوكول والكلام ده يبقى كان مرسي يصلي بالحرس بتوعه في قصر العروبة احسن وياخد فيهم ثواب ويوفر على الناس الاجراءات الامنية اللي كانت في بلدهم وتفتيش الناس اللي داخله بيت ربنا لأن المنظر بصراحه سخيف وغير مقبول في بيت ربنا اللي المفروض ان اللي يدخله يبقى آمن
وبعدبن الراجل اللي بيصلي ورا الحرس الواقفين بيسجد لربنا والحارس واقف قدامه ازاي .. محدش قالهم ان مينفعش حد يقف قدام حد بيصلي
احنا مش انتخبناك عشان تفرحنا بانك بتصلي يامرسي ... صلاتك لنفسك مش لينا ومش معنى انك تبقى في وسط الناس انك تصلي كل جمعه في بلد ... لالالالالا المعنى أعمق من كده بكتير .. تبقى في وسط الناس يعني تحس بوجعهم ومشاكلهم فتعالج مشاكلهم دي ... صلاتك لن تغني فقير في شيء يامرسي ولن ترفع الظلم عن مظلوم ... لو كنت قضيت ساعات سفرك ذهاب ورجوع من والى الفيوم في انك تفكر في حل لمشكله واحده عند مواطن واحد اكيد كان هيبقى أفضل
سيادة الرئيس ... استقم .. والعدل العدل العدل
ليست هناك تعليقات:
إرسال تعليق